Barcelona është në kërkim të një sulmuesi pas lëndimeve të Luis Suarez dhe Ousmane Dembele.
Katalunasit kanë të drejtë të bëjnë një transferim dhe po shikojnë mundësitë në La Liga.
Angel Rodriguez, Luis Javier Suarez, Lucas Perez e Loren ishin duke u ndjekur nga Barcelona.
Por kampionët në fuqi të Spanjës tani janë futur në garë edhe për sulmuesin e Levantes, Roger Marti.
Marti ka bërë shumë mirë këtë edicion në La Liga, duke shënuar 10 gola në 22 ndeshjet e zhvilluara.
Barcelona duket se ka vendosur për lojtarin dhe pritet të dalë me një ofertë prej 10 milionë eurove në drejtim të Levantes.
Marti do të jetë zëvendësues i Luis Suarezit në Camp Nou. /Telegrafi/