Vinicius Junior vendosi të bashkohet me Real Madridin në vend të Barcelonës, sepse ai “parapëlqeu projektin e tyre më shumë” edhe pse katalunasit i ofruan më shumë para, thotë agjenti i tij.
Real Madrid siguroi nënshkrimin e 16-vjeçarit nga Flamengo pasi i paguan klauzolën e lirimit prej 45 milionë eurosh, edhe pse ai do të qëndrojë në Brazil deri në korrik 2018.
Pas pajtimit të marrëveshjes, sulmuesi deklaroi se “nuk ka vendosur asgjë”, por agjenti i tij, Frederico Pena, tha se ishte i bindur nga objektivat sportive në kryeqytetin spanjoll.
“Barcelona ka ofruar më shumë para se Madridi, lojtari do të fitonte më shumë”, ka thënë fillimisht Pena për Golboesport.
“Por arritëm në një marrëveshje me Madridin sepse lojtari preferoi projektin e tyre më shumë. Disa njerëz besojnë se ai zgjodhi Madridin për para, por ata gabojnë”, transmeton Telegrafi.
“Vinicius u përqendrua vetëm në aspektin sportiv dhe pozicioni i Real Madridit në negociata ishte më i mirë në këtë drejtim”, përfundoi agjenti i Vinicius. /Telegrafi/