Kanë përfunduar të gjitha ndeshjet e javës së 26-të në elitën e futbollit kosovar.
Ndeshja kryesore u zhvillua në kryeqytetin kosovar Prishtinë, ku u ndeshën Prishtina dhe Hajvalia.
Në një ndeshje ku mblodhi tifozë, dy skuadrat Prishtina dhe Hajvalia nuk arritën të shënonin gola duke përfunduar ndeshja 0-0.
Kështu pas këtij barazimi, Hajvalia mbetet shtatë pikë larg Feronikelit
Drita ka arritur të shënoi një fitore tejet të vlefshme në luftë për mbijetesë ku mposhti Lirinë 1-0.
Pjesa e parë kaloi në dominim të Dritës por gola nuk kishte. Ndërkohë në minutën e 65-të erdhi goli i shumëpritur për gjilanasit, kur Shqiprim Kelmendi harkoi dhe mbrojtësi Erdin Hashani shënoi me kokë për 1-0.
Fitore të lehtë ka shënuar edhe Besa, fitore e cila ishte e para në drejtimin e trajnerit Ilir Nallbani.
Pejanët kanë mposhtur me rezultat të thellë 3-0 Drenicën, duke i vështirësuar punët kuqezinjve.
Golat për Besën u shënuan nga Fetim Kasapi dhe dy të tjerë nga Kastriot Rexha.
Kampioni aktual i Kosovës, Feronikeli ka shënuar fitore të rëndësishme në Vushtrri me rezultat minimal 1-0.
Golin e vetëm për bardh e gjelbërtët e shënoi mesfushori Mentor Zhdrella në minutën e 79-të. /Telegrafi/