Barack Obama befason fëmijët duke u shfaqur si Babadimër

Barack Obama ka befasuar të gjithë pacientët e Qendrës Mjekësore Kombëtare të Fëmijëve në Washington D.C.

Ish presidenti amerikan, Obama u vesh si Babadimër dhe filloi performancën me këngën e Krishtlindjeve, para stafit dhe pacientëve: “We wish You a Merry Christmas”.

Duke iu adresuar stafit, ai i ka falënderuar mjekët për kujdesin intensiv që tregojnë për personat në nevojë.

“Dua të ju falënderojë. Si baba i dy vajzave, vetëm po e imagjinoj, në një situatë të tillë, të kenë infermierë dhe doktorë që kujdesen për ta, i shikojnë dhe i dëgjojnë dhe ja u mbajnë duart, kjo është gjëja më e rëndësishme këtu”, tha ai.

Lexo po ashtu Librin që Obama dëshiron që ju ta lexoni për të marrë vendime të mençura

Ndërkohë, 57-vjeçari kishte një thes me dhurata që u ndau disa prej pacientëve fëmijë dhe u uroi për festa.

Ndryshe, përmes një postimi në Twitter, spitali falënderoi presidentin Obama për këtë befasi, e cila solli buzëqeshje në fytyrat e secilit. /Telegrafi/