Qytetarët e Komunës së Podujevës tash e disa ditë janë duke u përballur me problemin me ujëra të zeza dhe gropë në rrugën që është afër liqenit të Orllanit.
Për këtë problem qytetarët kanë raportuar në platformën “Ndreqe.com”, ndërsa kanë kërkuar reagim nga Komuna e Podujevës që ky problem të rregullohet, transmeton Telegrafi.
Probleme me mbeturina kanë edhe disa qytetarë të Skenderajt, të cilët po ashtu kanë raportuar lidhur me këtë çështje.
Qytetarët mund të raportojnë për problemet e tyre në webfaqen https://ndreqe.com/.
Ndryshe, pas shumë raportimeve që janë bërë në këtë web faqe, komunat kanë marrë përsipër rregullimin e tyre. /Telegrafi/
