Ky është momenti kur vendasit kapën një shtëpi të tërë me duart e tyre dhe e çuan atë në një vend të ri në Filipine.
Sipas medieve të huaja, përcjell Telegrafi, më shumë se 20 burra ndihmuan një familje të transferonte shtëpinë me shtylla, të quajtur bahay kubo, në një parcelë të re në provincën Sarangani.
Pamjet tregojnë shtylla bambuje të lidhura poshtë shtëpisë. Aty mund të shihet se si burrat mbajnë shtyllat mbi supe për ta zhvendosur shtëpinë.
Njëri ndër banorët tha se shtëpia e familjes u dërgua në një rrugë tjetër më 22 shkurt, pasi pronari i parcelës iu kërkoi atyre të largoheshin. /Telegrafi/
