Një banakiere po vlerësohet nga përdoruesit e medieve sociale që po mbron gratë nga burrat në situata potencialisht të rrezikshme.
Përdoruesja e TikTok, Rise Jumeade, e cila punon në një vend në Buffalo, New York, ndau teknikën që ajo përdor zakonisht në punë kur ndjen se siguria e një gruaje mund të rrezikohet.
Në videon, e cila është parë më shumë se 10.8 milionë herë, Jumeade është në punë dhe interpreton një skenar që ajo tha se “shpesh” ndodh në bar, transmeton Telegrafi.
Në skenar, një burrë i afrohet lokalit dhe porosit pijen për një grua dhe kërkon tekila “të dyfishtë” ose alkool tjetër”. “Po, mbushe atë”, i thotë Jumeade-s sipas skenarit.
Duke e ndjerë se pija mund ta dehë gruan dhe se veprimi e bën atë të dyshojë për qëllimet e burrit, banakierja e shërben gruan me ujë.
Duke shpjeguar veprimet e saj në komente, banakierja tha se ajo e bën këtë për të mbrojtur gratë në skenarë ku dyshon se një burrë po përpiqet “t’i mbushë gotën grave për t’i dehur dhe për të përfituar nga situata”.
Përdoruesit u mblodhën për të falënderuar banakieren për veprimet e saj. /Telegrafi/