Mario Balotelli ishte një talent i jashtëzakonshëm si i ri, kur debutoi me Lumezzanen në rangun e tretë të futbollit italian në moshën 15 vjeçare.
Kjo bëri që Interi ta nënshkruante me të për 340,000 euro një vit më vonë.
Balotelli u bashkua në klub ku kishte sulmues si Zlatan Ibrahimovic , Adriano dhe Hernan Crespo.
Megjithatë, i pari (suedezi) nuk ishte i impresionuar me nënshkrimin e ri të Interit.
Balotelli, në një bisedë të drejtpërdrejtë në Instagram me Fabio Cannavaron, zbuloi se si reagoi Ibrahimovic kur e pa atë të luante në stërvitje.
Balotelli ishte vetëm 16 vjeç kur stërviti me Interin për herë të parë, por ai kujton sesi ylli suedez i thoshte që ai duhej të linte futbollin sepse nuk ishte aq i mirë.
“Kur arrita te skuadra e vjetër e Interit isha 16 vjeç. Një ditë ai u ndal dhe tha: “Ju mendoni se mund të luani këtu? Bëni stërvitjen e sotme dhe më mos luani fubtoll”.
“Sa herë që ishte në fushë, ai më thoshte që nuk isha i mirë, harroje futbollin dhe studimin”, tregon Balotelli.
Komentet e Ibrahimovicit nuk kishin një ndikim negativ tek lojtari pasi Balotelli vazhdoi dhe bëri debutimin e tij për klubin në moshën 17 vjaçare.
Në tre sezone me Interin, ai shënoi 28 gola në 86 ndeshje dhe fitoi çmimin “Golden Boy” në vitin 2010. /Telegrafi/