Mario Balotelli tash e katër muaj ka mbetur futbollist i lirë dhe pa skuadër.
Sulmuesi italian u largua nga Brescia pas një sezoni, pasi nuk arriti dot ta ndihmoj për të qëndruar në Serie A.
30-vjeçari është drejt rikthimit në elitën e futbollit francez pasi është në bisedime me dy skuadra.
Nantes dhe St Etienne i kanë ofruar kontrata një vjeçare italianit, i cili është duke i shqyrtuar ato.
Mediat franceze kanë raportuar se Super Mario për momentin ndodhet në Francë dhe në pritje për të nënshkruar me njërën nga skuadrat.
Edhe agjenti i lojtarit, Mino Raiola është me të dhe po diskuton detajet e fundit ë kontratave, ku Nantes ose St Etienne pritet të jetë skuadra e radhës për Super Marion.
Kujtojmë që Balotelli edhe më parë ka qenë pjesë e futbollit francez, teksa ka veshur fanellat e Nice e Marseille. /Telegrafi/