Ballkani ka dalë me reagim për ndeshjen e ndërprerë me Gjilanin në kuadër të javës së 27-të në BKT Superligën e Kosovës.
Skuadra nga Theranda ishte mysafir i gjilanasëve, por në sekondat e fundit të takimit ndodhi një skenë e shëmtuar.
Përmes një njoftimi në Facebook, Ballkani ka sjell pamje nga sulmi i tifozëve të Gjilanit në portierin e tyre, Stivi Frashëri.
“Është ndërprerë ndeshja pasi tifozët e Gjilanit e sulmojnë portierin tonë Stivi Frasheri”, thuhet në postimin e tyre.
Edhe pse kishte një minutë kohë nga përfundimi i ndeshjes, ende nuk është marrë vendim se a do të vazhdojë apo do të ketë masa ndaj klubit të Anamoravës. /Telegrafi/
