Komisioni i Garave ka vendosur që ndeshjen e ndërprerë në mes të Gjilanit dhe Ballkanit ta regjistrojë me rezultat zyrtar (0-3), në të mirë të suharekasve.
Komisioni i Garave për Superligë dhe Ligën e Parë në përbërje Abdyl Bellopoja kryetar, Isak Ejupi dhe Agim Kastrati anëtarë, në mbledhjen e vet të mbajtur kanë vendosur në lidhje me ndeshjen e ndërprerë në mes të SC Gjilani – FC Ballkani.
Portieri mysafir Stivi Frashëri është sulmuar dhe goditur nga tifozët e Gjilanit, për çka ishte ndërprerë kjo përballje derbi.
Gjilani i ka njoftuar tifozët e tyre për dënimin, ndërsa ka shkrua se do të parashtrojnë ankesë për vendimin.
“Komisioni ka vendosur që ndeshja, SC Gjilani – FC Ballkani do të regjistrohet me rezultat zyrtar (0-3)”.
“Komisioni i Garave ka vendosur që ndeshja e suspenduar në minutën e katërt të lojës shtesë ndërmjet SC Gjilani dhe FC Ballkani të regjistrohet me rezultat zyrtar 0:3. Sport Club “Gjilani” pritet të parashtrojë ankesë ndaj këtij vendimi”, thuhet në njoftim. /Telegrafi/