BALFIN Group sot ka dhënë një donacion për Fakultetin e Inxhinierisë Elektrike dhe Kompjuterike (FIEK) në Prishtinë, i cili përfshinë kompletimin e kabinetit të informatikës me pajisjet e nevojshme si: laptop dhe tërë enterierin e brendshëm të tij.
Profesori i FIEK, Blerim Rexha falënderoi presidentin e BALFIN Group, Samir Manen për dhënien e këtij donacioni.
“Kjo e bën dhuratën tuaj edhe më të çmueshme. Na e keni dhënë këtë dhuratë të Universitetit të Prishtinës, i cili është lider në arsimin e lartë në trevat e krejt shqiptare, se në vete ka fakultete sikur fakulteti jonë, pasi jemi më të mirët në vend, pasi kemi studentët më të mirë. Ne kemi ajkën e Kosovës”, ka thënë Rexha duke shtuar se “me këtë teknologji që na keni dhuruar ju, t’i përgatisim studentët me dije”.
Ndërsa, presidenti i BALFIN Group, Samir Mane tha se do ketë edhe donacione të tjera në të ardhmen.
Ai u shpreh se “ky donacion është dhënë nga zemra”.
“Kjo s’është e vetmja ndihmë që ne kemi. Besoj që do kemi edhe gjëra tjera të cilat do t’i merrni vesh gjatë ditëve dhe muajve në vazhdim. E dimë që nuk është mjaftueshëm, por aq sa është, është nga zemra”, ka thënë Mane.
Ideja e donacionit lidhet me nismën e Grupit BALFIN (pjesë e të cilit grup është Neptun Kosova Sh.p.k.) në kuadër të projekteve të përgjegjshmërisë sociale.
Këto pajisje do të ndihmojnë studentët që të ndjekin me lehtësi orët praktike dhe realizimin e projekteve studimore.
Në fund të takimit, presidentit të BALFIN Group, Samir Manes iu dha një mirënjohje për donacionin e dhënë në emër të Fakulteti të Inxhinierisë Elektrike dhe Kompjuterike (FIEK).
Ndryshe, ky është donacioni i dytë që i është dhënë Fakultetit të Inxhinierisë Elektrike dhe Kompjuterike (FIEK), nga BALFIN Group. /Telegrafi/