Marka botërore e modës Balenciaga prezantoi sfilatën e saj resort revizion për vitin 2025 dhe një çantë të diskutueshme në formën e një kutie këpucësh
Kjo markë e famshme njihet për perlat e shumta (dhe një skandal të fundit), të cilat ritregohen vazhdimisht, jo vetëm në botën e modës, por edhe më gjerë.
Që kur stilisti gjeorgjian Demna Gvasalia erdhi në krye të markës, gjërat kanë lëvizur në drejtimin e modës së rrugës, pjesëve të mëdha dhe ekstravagante, madje edhe avangarde.
Mirëpo, ka edhe disa pjesë që kanë arritur të shkaktojnë shumë polemika, siç ndodhi para pak kohësh rreth fundit-peshqir, i cili kushton mbi një mijë euro, apo një qese plehrash që kushton po aq.
Në Shangai, pas Muzeut Pudong, Demna prezantoi një koleksion të ri resorti për vitin 2025, i destinuar fillimisht për xhet-setin botëror, transmeton Telegrafi.
Ajo që u theksua pa dyshim është një çantë prej lëkure në formën e kutisë së këpucëve, e cila me siguri nuk do të jetë nën një apo dy mijë euro, nisur nga praktika e mëparshme dhe çmimet e çantave.
Nuk është çudi që vizioni i stilistit për Balenciaga prodhon pjesë të tilla, por duhet ta pranojmë se na befason çdo herë me kreativitetin e tij.
Duke parë realisht të gjithë procesin, këto janë gjëra që ne nuk i kushtojmë shumë rëndësi, që janë gjithmonë pranë nesh, por ai arrin të marrë frymëzim për punën e tij nga ajo “thjeshtësi”.
“Këtë koleksion e kam bërë në një nivel shumë instinktiv rreth asaj që më pëlqen, asaj që më emocionon, asaj që më krijon dëshirë”, tha Demna.
“Balenciaga me këtë shfaqje është gjetja e një lloji të ri ekuilibri mes gjithë këtyre aspekteve të ndryshme të estetikës dhe stilit tim”, tha Demna në një intervistë për American Vogue. /Telegrafi/