Ylli uellsian, Gareth Bale ka shprehur dëshirë të rikthehet në kampionatin anglez, Ligën Premier.
Bale ka luajtur më parë në Ligën Premier me skuadrën e Tottenham Hotspur nga viti 2007 deri më 2013, ku ka 146 paraqitje dhe 42 gola.
Pas shkëlqimit me skuadrën nga White Hart Lane, Bale u transferua te Real Madridi në verën e 2013 për një shifër rekord atë kohë prej rreth 101 milionë eurove.
Megjithatë, sezoni i fundit me Mbretërit nuk ka qenë më i miri për Bale, i cili është lidhur jo pak herë me një kalim të mundshëm prej 90 milionë funtesh te Manchester United.
Sipas mediumit spanjoll Don Balon, edhe Bale ka shprehur dëshirën të transferohet të Djajtë e Kuq dhe këtë i ka thënë bashkëlojtarit të tij, mesfushorit kroat, Luka Modric. /Telegrafi/