Gareth Bale ka thënë se do të ishte ëndërr nëse do ta fitonte Ligën e Kampionëve në Cardiff.
Finalja do të zhvillohet në Millennium Stadium në Cardiff, në vendin nga vjen uellsiani i Real Madridit.
“Jam në formë të mirë dhe jam duke punuar që të jem gati. Ka edhe dy stërvitje për ta arritur lartësinë për ndeshjen e Cardiffit”.
“Do të ishte speciale për mua që ta fitoja Ligën e Kampionëve në këtë stadium, para familjes time”.
“Po mundohem të mos mendoj për këtë, pasi më e rëndësishmja është ta fitoj trofeun së bashku me shokët e mi”.
“I falënderoj fansat për mbështetjen. E kemi fituar La Ligan dhe tani duam ta fitojmë edhe Ligën e Kampionëve”, ka thënë Bale.
Bale shkaku i lëndimeve këtë sezon i ka zhvilluar vetëm 26 ndeshje. /Telegrafi/