Njohësi i çështjeve ligjore, Ardian Bajraktari, ka folur për arrestimin e ish-asamblistit të LVV-së, Besnik Mujeci, i cili dyshohet për kontrabandim me drogë, përkatësisht të llojit ekstazi.
Bajraktari tha se fakti që thuhet nga Policia e Shqipërisë se kërkesa ishte e kontrolluar, atëherë sipas tij, kjo nënkupton që paraprakisht ka pasur bashkëpunim mes autoriteteve të të dyja vendeve.
“Në fushën penale, Kosova ka marrëeshje të bashkëpunimit prej vitit 2012 por këtu kemi edhe koordinime të vazhdueshme. Para ca kohe kemi pasur edhe një rast tjetër ku Kosova ka qenë destinimi i fundit dhe është për t’u përshëndetur që autoritetet shqiptare kanë hasur në gjurmë të kësaj dërgese e cila për bindjen time është me përmasa jo aq relativizuese pasi ishin 11 mijë e ca doza”.
“Sipas legjislacionit tonë penal, kjo hyn në kategorinë e veprave penale kundër narkotikëve dhe duke qenë se kemi të bëjmë me grup të strukturuar kriminal, atëherë ndëshkueshmëria për këtë lloj vepre penale është deri në 15 vite, ndërsa me legjislacionin penal të Shqipërisë, atje ëshët edhe përtej këtij maksimumi, deri në 20 vite”, tha Bajraktari në Klan Kosova.
Tutje, ai tha se këtë lloj droge e përdorin të rinjtë, e atëherë kjo sipas tji, është rrethanë rënduese për kryesit e këtyre veprave.