Nënkryetari i AKR-së, Agim Bahtiri, ka sqaruar opinionin pas disa pretendimeve se AKR kinse mund të lidh koalicion me PDK-në, duke thënë se në asnjë formë kjo nuk mund të ndodh.
Kryetari i Mitrovicës dhe nënkryetari i AKR-së, i cili ka qenë personi më insistues brenda AKR-së që të shkohet në koalicion parazgjedhor me VV-në, thotë se AKR-ja do të dërgoj në vend vullnetin e qytetarëve për ndryshim.
“Uroj qytetarët e Kosovës që treguan maturi në ditën e djeshme, duke shprehur vullnetin e tyre politik lirshëm. Pas rezultateve kanë filluar të qarkullojnë spekulime të ndryshme për lidhje të koalicioneve.
I siguroj gjithë qytetarët se AKR-ja nuk do të lidh koalicion me PDK-në në asnjë formë, me asnjë kusht dhe me asnjë çmim. Ne do ta respektojmë dhe dërgojmë në vend vullnetin e qytetarëve për ndryshim, e jo për vazhdimësi të keqqeverisjes, korrupsionit dhe krimit”, ka shkruar Bahtiri në Facebook. /Telegrafi/