Gjykata Penale e refuzoi kërkesën e avokatit Vladimir Tufegxhiq, mbrojtësit të Aleksandër Gjorçevskit, babait të Vanja Gjorçevskës, për zëvendësimin e paraburgimit me arrest shtëpiak.
“Për interes të mediave që ndjekin punën e gjykatës, njoftojmë opinionin publik se gjyqtari i procedurës paraprake, pas propozimit të mbrojtjes së A.Gj. i dyshuar për veprën penale ‘Rrëmbim’, lidhur me vrasjen e të miturës V.Gj. dhe P.Zh. nga Velesi, për zëvendësimin e masës së paraburgimit me arrest shtëpiak, pas marrjes së mendimit nga prokurori publik kompetent, kanë marrë aktvendim me të cilin refuzohet propozimi i mbrojtjes. Kundër këtij vendimi palët kanë të drejtë ankese në Këshillin Penal”, thonë Gjykata Penale.
Avokati Tufegxhiq ka paraqitur kërkesën me mendimin se zëvendësimi i masës së paraburgimit efektiv do të ndihmojë familjen e prekur nga tragjedia.