Duke folur në shfaqjen argjentinase ‘Shoë de Boca’, babai i Lucas Torreira foli për të ardhmen e djalit të tij, i cili në të kaluarën kishte shprehu dëshirën e tij për të luajtur te Boca Juniors.
Ai ka thënë se kalimi në këtë klub momentalisht është i komplikuar, pasi lojtari ka kontratë me Arsenalin.
“Ardhja e Lucas në Boca do të jetë mjaft e komplikuar, nuk ka pasur asnjë lajm për të. E gjitha buron nga dëshira e djalit tim për të luajtur Bombonera, por duke bërë këtë ne krijuam disa probleme për klubin”.
“Nuk e di nëse Boca është në gjendje të paguajë atë që Arsenal kërkon për huazimin e Lucas”.
“Ajo që di është se djali im nuk do të luajë për Arsenalin vitin e ardhshëm. Dhe nëse nuk është Boca, fati i tij do të jetë në Itali ose Francë”.
“Sigurisht, do të na mbetej një ëndërr e parealizuar, por në vend që të krijonte gëzim, ajo shkaktoi probleme për menaxhmentin e Bocas”, ka thënë babai i lojtarit. /Telegrafi/