Deputeti i Lidhjes Demokratike të Kosovës, Haxhi Avdyli, konsideron se koalicioni në mes të Lëvizjes Vetëvendosje dhe Lidhjes Demokratike të Kosovës është shumë afër.
Ai aludon duke përmendur reagimet e ashpra që po vijnë nga Partia Socialdemokrate dhe PDK-AAK e NISMA.
Sipas tij reagimet me plotë nervozitet ndaj mundësisë së arritjes së koalicionit Kurti-Mustafa dëshmojnë që puna është mirë.
“Si të shihni që politikanët e PAN-it e PSD-së , dhe të ” pavarurit ” e varur nga ata, të shkruajnë zi e terr e me nervoz ndaj mundësisë së koalcionit VV-LDK, kuptone që puna është mirë. Ndryshimi po iu dhemb shumê”, ka shkruar Avdyli.
Më herët, PSD dhe PAN-i kanë reaguar ndaj raportimeve të mbrëmshme për një takim ndërmjet Albin Kurtit dhe Isa Mustafës në shtëpinë e këtij të fundit në Prapashticë.
Nga PSD e kanë quajtur si ‘koalicion i rançit të Prapashticës”.
