Drejtori ekzekutiv i Auto Mita-s, Zgjim Mita ka bërë prezantimin e veturës së parë elektrike- Nissan LEAF në panairin e veturave “Prishtina International Autoshow”, i cili është duke u mbajtur në Shkabaj, Prishtinë.
Mita për Telegrafin tha që janë përkujdesur që në panair të kenë paraqitje sa më të mirë.
“Është edicioni i dytë që ne e sjellim një risi shumë të madhe për qytetarët e Kosovës. Në pjesën e Auto Mitës si importuesi më i madh i veturave jemi kujdesur që të kemi një paraqitje më të mirë se sa herën e kaluar. Nissan LEAF është vetura e parë elektrike në botë, kjo është gjenerata e dytë. Kur Nissan e ka shpikur këtë veturë prodhuesit tjerë ende kishin pyetje se çfarë është koncepti i veturës që ec më rrymë”, deklaroi Zgjim Mita për Telegrafin.
Tutje Mita tha vetura Nissan LEAF është vetura më e shitur në botë.
Ai shtoi se vetëm me një mbushje vozitësit mund t’i bëjnë 380 kilometra
Auto Mita në panair ka bërë prezantimin edhe të modeleve më të reja të Renault dhe Dacia.
Panairi i veturave është i hapur për vizitorët nga ora 09:00 deri në orën 20:00, hyrja është gratis.
Në ceremoninë e hapjes së këtij panairi ishin të pranishëm ministri i Zhvillimit Ekonomik, Valdrin Lluka, ministri i Tregtisë dhe Industrisë, Endrit Shala dhe kryetari i Komunës së Prishtinës, Shpend Ahmeti.
Panairi organizohet nga Shoqata e Importueseve të Autorizuar të Automjeteve të Reja (SHIAR) në bashkëpunim me kompaninë për organizim të eventeve “MODUS”, si dhe mbështetet edhe nga Oda Ekonomike e Kosovës (OEK) dhe Ministria e Tregtisë dhe Industrisë (MTI). /Telegrafi/
