Ministria e Punëve të Jashtme të Austrisë ka uruar Kosovën për heqjen e vizave.
Përmes një postimi në Twitter, Ministria e Punëve të Jashtme të Austrisë, ka uruar shtetasit e Kosovës për liberalizimin, duke thënë se qytetarët do të mund të udhëtojnë pa viza nga 1 janari 2024.
“Ky është përmbushja e një kërkese të gjatë dhe shënon një moment historik të rëndësishëm për perspektivën e BE-së, urime”, thuhet në postim.
Ndryshe, miratimi i liberalizimit të vizave për Kosovën nga Parlamenti Evropian u bë pa votim pasi nuk kishte asnjë kundërshtim. Kryetarja e Parlamentit Evropian, Roberta Metsola tha se nuk ka marrë asnjë propozim për të refuzuar qëndrimin e Këshillit të BE-së për liberalizimin e vizave.
Zëvendëskryeministri Besnik Bislimi të mërkurën do të udhëtojë drejt Strasburgut, ku do të marrë pjesë në ceremoninë e nënshkrimit të vendimit për heqjen e vizave. /Telegrafi/
Today the final hurdle for EU visa liberalization for #Kosovo, starting at the latest on 1 January 2024, has been taken by vote in the European Parliament. This is the fulfilment of a long standing 🇦🇹 demand & marks an important milestone for 🇽🇰 EU perspective! Congratulations!
— MFA Austria (@MFA_Austria) April 18, 2023