Aurela Hoxha në të kaluarën e ka treguar veten në prezantim, modelizëm dhe kërcim, ndërsa tash do të vijë edhe si aktore në vazhdimin e tretë të filmit “Dashuria e Bjeshkëve të Nemuna”.
Gjatë një interviste për Summer Pages, ajo ka konfirmuar se do të ketë edhe skena të nxehta në film.
“Unë në film jam e lidhur, jam çift, ndaj edhe do të ketë të tilla skena. Megjithatë, është ende herët, gjithçka mund të ndryshojë”, citohet të ketë thënë bukuroshja.
Ndërkaq, e pyetur se a ka arsye Diellza Kolgeci që të jetë xheloze për praninë e saj në film, Aurela përgjigjet: “Për të qenë e sinqertë, unë Diellzën e kam pasur imazh kur kam qenë më e vogël dhe gjithnjë më ka pëlqyer. Një femër e bukur si ajo s’ka arsye të jetë xheloze. Kam edhe një siguri tjetër, pasi më njohin nga afër, s’kanë arsye të kenë xhelozi. Krijoj marrëdhënie të mira me të gjithë”.
Në një intervistë të mëhershme për Telegrafin, skenaristi dhe regjisori Ekrem Kryeziu pati deklaruar se “Dashuria e Bjeshkëve të Nemuna” nuk mund të ishte si i tillë pa praninë e Diellzës, teksa Aurela vetëm sa do ta fuqizojë rolin e protagonistes kryesore.
Ndërkaq, sa u përket skenave të nxehta, kujtojmë që Diellza ishte shfaqur nudo në duke kryer marrëdhënie seksuale në vazhdimin e dytë të këtij filmi.
