Aurela Gaçe ka qëndruar në Prishtinë, ku ka pasur rastin të takohet edhe me disa yje të njohura. Në mesin e tyre ka qenë këngëtarja Jehona Sopi dhe dikur më e bukura e Kosovës, Zana Krasniqi.
Këngëtarja nga Shqipëria e ka shfrytëzuar rastin që të pozojë me dy bukuroshet, ndërsa imazhet i ka publikuar në rrjetet sociale.
“Me Missin dhe modelen Zana Krasniqi dhe artisten Jehona Sopi”, ka shkruar Aurela pranë imazhet ku kanë pozuar të tria.
Ndërsa në një pozë vetëm me Zanën, këngëtarja shkruan: “Missi dhe modelja Zana Krasniqi, bukuria shqiptare”.
Zana Krasniqi u shpall më e bukura në Miss Universe Kosova në vitin 2008, ndërsa të njëjtin vit e përfaqësoi vendin tonë në Miss Universe. Më pas, ajo e vazhdoi karrierën si modele.
Jehona Sopi vjen më rrallë me projekte muzikore në vitet e fundit, ndërsa një prej projekteve të saja më të fundit ishte edhe bashkëpunimi me tashmë të ndjerën Esma Redzepova në ripërpunimin e këngës “Caje Sukarije”. /Telegrafi/
