Në ‘International Auto Show’ që po zhvillohet në New York të ShBA-ve, Audi e ka publikuar modelin e ri që pritet të del në shitje gjatë vitit që vjen.
Kjo veturë që shpenzon 5.2 litra për njësi, ka motor V10, teksa arrin shpejtësinë prej zero deri në 100 km/h për 3,6 sekonda, transmeton Telegrafi.
Ky mjet udhëtimi e ka të shpejtë edhe mekanizmin rregullues, që e hap dhe e mbyll tavanin për 20-sekonda.
Pjesa e jashtme e pajisur me shumë fibra të karbonit bën që kjo veturë të peshojë 1,630 kilogramë. Me këtë peshë, në krahasim me veturat tjera me tavan të zbuluar, kjo është më e lehta deri më tani. /Telegrafi/
