Audi pritet të lansojë modelin e tij të gjeneratës së ardhshme A8 vitin e ardhshëm, i cili thuhet se do të jetë automjeti elektrik dhe vetura më e fuqishme e markës në përgjithësi.
Audi A8 EV do të jetë kyç në tranzicionin e markës luksoze në një të ardhme tërësisht elektrike, me gamë të pashembullt dhe një fokus të mprehtë në performancë, transmeton Telegrafi.
Sipas Autocar, A8 EV do të përdorë versionin më të madh të platformës PPE të koduar nga Porsche dhe Audi.
Q6 e-tron i ri i Audi-s do të jetë i pari që do të debutojë arkitekturën e re të krijuar për një gamë të gjerë makinash EV me performancë të lartë. Platforma PPE përmban aftësi karikimi ultra të shpejtë 800 V me shpejtësi maksimale karikimi prej 270 kW (5 për qind deri në 80 për qind në më pak se 25 minuta) dhe gjithashtu do të fuqizojë Porsche Macan EV të ardhshëm. /Telegrafi/
