Me qindra qytetarë janë mbledhur sot në sheshet e Prishtinës për të shënuar 15 vjetorin e Pavarësisë së Republikës së Kosovës.
Telegrafi do të ju sjell përmes fotografive pamje të qytetarëve të cilët festojnë Ditën e Pavarësisë.
Po ashtu në fotografi shihen edhe trupa të valltarëve të cilët po krijojnë atmosferë festive në kryeqytet.
Ndryshe, kjo ditë u shënua me disa aktivitete të liderëve shtetërorë e opozitarë si dhe me parakalimin e trupave të Forcave të Sigurisë së Kosovës dhe Policisë së Kosovës.
Ndryshe, sot bëhen 15 vjet që kur Kosova u shpall shtet i pavarur. Shpallja e Pavarësisë së Kosovës është bërë më 17 shkurt të vitit 2008 në ora 15:39 në Kuvendin e Republikës së Kosovës në Prishtinë. /Telegrafi/
