Atletico Madridi ka fituar në udhëtim te Athletic Bilbao me rezultat 1-0 në ndeshjen e vlefshme për javën e nëntë në La Liga.
Ekipi i Diego Simeones ka vazhduar serinë e mirë në La Liga duke marrë edhe fitoren e tretë radhazi dhe duke ia shkaktuar Bilbaos humbjen e parë pas tri fitoreve dhe një barazimi.
Pjesa e parë e ndeshjes ishte për një nuancë më e mirë për vendasit, të cilët krijuan më shumë, por vetëm mysafirët gjeten golin.
Megjithatë, goli i shënuar nga Alvaro Morata në minutën e dhjetë u anulua pas rishikimit të VAR-it dhe shifrat mbeten të pandryshuara pas 45 minutave.
No goals so far at San Mamés. pic.twitter.com/5snCdnH3HO
— Atlético de Madrid (@atletienglish) October 15, 2022
Në pjesën e dytë, përsëri baskët ishin skuadër më e mirë dhe me më shumë raste e posedim, por kryeqytetasit ishin më konkret duke shënuar golin e tri pikëve.
Ishte sulmuesi francez, Antoine Griezmann, i cili në minutën e 47-të shënoi për 0-1 dhe deri në fund të ndeshjes edhe përkundër rasteve të shumta shifrat mbeten të pandryshuara dhe Atletico mori një fitore 1-0.
¡𝗩𝗜𝗜𝗜𝗜𝗜𝗖𝗧𝗢𝗥𝗜𝗔𝗔𝗔𝗔𝗔𝗔! ❤️🤍
• #AúpaAtleti • #AthleticAtleti pic.twitter.com/GEJY7XE9xY
— Atlético de Madrid (@Atleti) October 15, 2022
Pas kësaj fitore, Los Colchoneros ngjiten në pozitën e tretë me 19 pikë, ndërsa baskët renditen në vendin e katërt me 17 pikë.
Në ndeshjen e ardhshme, Atletico e pret Rayo Vallecanon, ndërsa Bilbao luan në udhëtim te Getafe. /Telegrafi/
