Futbolli spanjoll është tronditur nga vdekja e talentit të Atletico Madrid, Christian Minchola.
Futbollisti i talentuar spanjoll ka ndërruar jetë në moshën 14-vjeçare duke tronditur klubin që kishte shpresa të mëdha në të.
Arsyet e vdekjes nuk janë bërë të ditura, por për vdekjen e hershme të talentit Minchola kanë folur edhe presidenti i klubit, Enrique Cerezo, trajneri Diego Simeone si dhe kapiteni Koke.
La familia rojiblanca está de luto por el fallecimiento de nuestro jugador infantil Christian Minchola. Nos unimos al dolor de sus familiares, compañeros y amigos. Descanse en paz.https://t.co/x0qePAeTWW pic.twitter.com/9l2Klj6c4x
— Atlético de Madrid (@Atleti) March 28, 2020
“Jemi të shokuar nga vdekja e lojtarit tonë të talentuar Christian Minchola dhe ndjejmë keqardhje për humbjen e tij. Atletico Madrid do të jetë pranë familjes dhe miqve të tij në këto momente të vështira”, ka deklaruar presidenti Cerezo.
I shokuar nga humbja e talentit Minchola ka mbetur edhe trajneri i ekipit të parë, Diego Simeone.
De todo corazón envio mis condolencias a la familia y amigos de Christian. Descansa en paz. pic.twitter.com/VGi4ozzOpV
— Diego Pablo Simeone (@Simeone) March 28, 2020
“Me gjithë zemrën time iu dërgoj ngushëllime familjes dhe miqve të Christian. Pushoni në paqe”, ka shkruar Simeone.
Edhe më emocionues është parë kapiteni i klubit Koke, që gjithashtu si Christian Minchola ka dalë nga akademia e Atletico Madrid.
Rabia y dolor por tener que decir adiós a Christian Minchola. La vida es muy injusta. Orgulloso de que hayas vestido esta camiseta. Mucho ánimo a compañeros, familia y amigos. Descansa en paz. pic.twitter.com/yvvRuWG3bb
— Koke Resurrección (@Koke6) March 28, 2020
“Zemërim dhe dhimbje kur duhet t’i themi lamtumirë Christian Mincholas. Jeta është shumë e padrejtë. Krenar që keni veshur fanellën e Atletico Madridit. Ngushëllime për bashkëlojtarët, familjet dhe miqtë e Christianit. Pushoni në paqe”, ishte reagimi i kapitenit Koke.
Lojtari i lindur më 2 shkurt të vitit 2006. Mincholas ka luajtur në pozitën e sulmuesit dhe ishte bashkuar me akademinë e klubit në verën e vitit 2013. /Telegrafi/