Atalanta dhe Ajax kanë dhuruar spektakël në ndeshjen që u mbyll 2-2, në kuadër të xhiros së dytë të fazës së grupeve në Ligën e Kampionëve.
Pjesa e parë u takoi holandezëve që shënuan dy herë, ndërsa pjesa e dytë italianëve që u kundërpërgjigjën me të njëjtën mënyrë.
Fillimi i ndeshjes ishte më i qetë së sa ishte paramenduar, por u ndez në minutën e 30-të të ndeshjes, kur Ajaxi fitoi penallti.
Robin Gosens pengoi në zonë një lojtarë të Ajaxit, ndërsa gjyqtari Damir Skomina akordoi penallti.
Nga pika e bardhë i saktë doli Dusan Tadic që e dërgoi në anën tjetër portierin Marco Sportiello.
⚽️ GOAL!!
Atalanta 0-1 Ajax – Dusan Tadic penalty 30' #AtalantaAjax #UCLpic.twitter.com/NmBdjMS9Pq— noobfcb (@noobfcb) October 27, 2020
Në minutën e 38-të, Ajaxi dyfishoi epërsinë me talentin Lassina Traore i cili edhe pse i rrëzuar në tokë, prek topin për të dërguar pas vijës për 2-0.
⚽️ GOAL!!
Atalanta 0-2 Ajax – Lassina Traore 38' #AtalantaAjax #UCLpic.twitter.com/k7RDSpKqn1— noobfcb (@noobfcb) October 27, 2020
Në pjesën e dytë Atalanta u këndell, duke u kthyer në lojë për 15 minuta.
Fillimisht një aksion i bukur Alejandro Gomez që harkoi te Duvan Zapata i cili shënoi me kokë për 2-1.
⚽️ GOAL!!
Atalanta [1]-2 Ajax – Duvan Zapata 54' #AtalantaAjax #UCLpic.twitter.com/nMTCZ7KAJw— noobfcb (@noobfcb) October 27, 2020
Pas gjashtë minutash sërish ishte Zapata që shënoi për 2-2 me një goditje të bukur brenda zonës.
⚽️ GOAL!!
Atalanta [2]-2 Ajax – Duvan Zapata 60' #AtalantaAjax #UCLpic.twitter.com/AxXwoBuxP2— noobfcb (@noobfcb) October 27, 2020
Deri në fund të dy skuadrat kishin raste të mira, por gola më nuk pati.
Atalanta tani ka katër pikë, ndërsa Ajax mori pikën e parë. /Telegrafi/