Kryeministri i Kosovës, Albin Kurti ka njoftuar se për muajin prill, pensionistëve, punëtorëve të sektorit privat e publik dhe studentëve do t’iu ndahen nga 100 euro.
Mirëpo jo të gjithë punëtorët e këtyre kategorive do të subvencionohen.
Shefi i kabinetit të kryeparlamentarit Glauk Konjufca, Ilir Kërçeli ka thënë se shuma prej që u nda sot nga Qeveria nuk i përfshinë punëtorët që kanë paga mbi 1,000 euro.
“Subvencionimi me nga 100 euro, është për ata të cilët paga e tyre nuk kalon mbi 1000 euro”, ka shkruar Kërçeli në një postim në “Facebook”.
Pensionistët do të jenë kategoria e parë që do të përfitojnë nga ndihma e Qeverisë.
Më pas do të vijnë punëtorët e sektorit publik, që shtesat parashihet t’i marrin në fund të muajit.
Për studentët dhe punëtorët e sektorit privat do të hapet procesi i aplikimit./Telegrafi/
