Në 24 orët e fundit në veri të Kosovës, nuk është regjistruar asnjë rast i ri i pacientëve me coronavirus, nuk ka as ndonjë të shëruar e as të vdekur.
Sipas radiokontaktplus, përcjell Telegrafi, deri më tani, gjithsej 115 njerëz janë sëmurë me COVID-19 në zonat serbe në Kosovë, nëntë kanë vdekur dhe 86 janë shëruar.
Sipas komunave, në veri të Mitrovicës ka 43 pacientë me COVID-19 (tre të vdekur, 36 të kuruar), në Zveçan 25 (një i vdekur, 22 të shëruar), në Zubin Potok 24 (një i vdekur, 17 të shëruar) dhe në Leposaviq 23 (katër të vdekur dhe 11 të shëruar).
Ndërsa sipas informacioneve më të fundit të publikuara fundjavën e kaluar, 13 pacientë me një gjendje të butë klinike janë akomoduar në Qendrën Studentore në veri të Mitrovicës, ndërsa gjashtë janë pacientë me një pamje klinike të moderuar në spitalin në veri të Mitrovicës.
Veç këtyre, mediumi në fjalë shkruan se një pacient me COVID-19 është i vendosur në Qendrën Klinike në Kragujevc të Serbisë. /Telegrafi/