Askush si Lukaku në Serie A, belgu arrin një rekord të madh

Sulmuesi i Interit, Romelu Lukaku po vazhdon shkëlqimin dhe vendosjen e rekordeve të reja në kampionatin italian, Serie A.

Interi është afër të shpallet kampion i Serie A për sezonin 2020/21, pasi i nevojitet vetëm një humbje ose një barazim në ndeshjen e Atalantas ndaj Sassuolos.

Njëri nga më meritorët për këtë sukses të Interit dhe fitimin e Scudetton në Serie A, padyshim se është sulmuesi belg, Lukaku.

Lexo po ashtu Toni: Lukaku më i kompletuar se Ronaldo

Lukaku ka qenë i papërmbajtshëm këtë sezon te Interi dhe me golat e asistimet e tij ka qenë vendimtar në shumë ndeshjes.

Sulmuesi belg gjithashtu ka arritur të vendos rekorde të reja në Serie A, pas numrave të tij të frikshëm.

Ai është lojtari i parë që shënon mbi 20 gola dhe dhuron mbi 10 asistime në një sezon të vetëm në Serie A.

Këto statistika janë nga faqja e specializuar Opta, që kur kjo e fundit filloi të mbledhë këto të dhëna (nga 2004/05). /Telegrafi/