Agresioni që Rusia po bën mbi Ukrainën ka bërë që sanksionet për këtë shtet të vijnë nga e gjithë bota në të gjitha sferat.
Kësisoj pas Kombëtares polake dhe asaj suedeze, edhe Kombëtarja e Republikës së Çekisë refuzon të luaj ndaj rusëve.
Ka qenë vet Federata e Futbollit të Çekisë që ka njoftuar për një gjë të tillë, nëpërmjet një postimi në faqen e tyre zyrtare.
Në njoftimin e federatës çeke thuhet se të gjithë anëtarit e stafit së bashku me lojtarët e ekipit kombëtar kanë marrë këtë vendim që mos të luajnë ndaj rusëve.
“Komiteti ekzekutiv i federatës çeke, anëtarët e stafit dhe lojtarët e ekipit kombëtar ranë dakord se nuk është e mundur të luhet kundër kombëtares ruse në situatën aktuale, madje as në një vend neutral”.
"The Czech FA executive committee, staff members and players of the national team agreed it's not possible to play against the Russian national team in the current situation, not even on the neutral venue.
We all want the war to end as soon as possible." pic.twitter.com/NQK6YGNoHJ
— Czech Football National Team (@ceskarepre_eng) February 27, 2022
“Të gjithë duam që lufta të përfundojë sa më shpejt të jetë e mundur”, shkruhej në postimin e publikuar nga federata.
Rusia do të përballet me Poloninë në fazën e ‘Play-Off’-it të Kupës së Botës, derisa dueli tjetër është Çeki-Suedi.
Por si kundërshtari i parë Polonia ashtu edhe dy kundërshtarët tjerë të mundshëm, Suedia e Çekia kanë refuzuar të luajnë ndaj rusëve. /Telegrafi/