Liverpooli ka marr një fitore të madhe ndaj Leicester Cityt në kuadër të Ligës Premier, duke fituar si mysafir me rezultat 4-0.
Kjo fitore e afron drejt titullit kampion që prej shumë vitesh ëndërrohet nga tifozët e klubit.
Të besauarit e Jurgen Klopp e arritën fitore, duke dominuar nga fillimi deri në fund, por që golat e sigurisë erdhën në pjesën e dytë.
Liverpooli kishte disa raste deri sa erdhi te goli, por Mohamed Salah dhe Sadio Mane nuk ishin të saktë.
Por për ta pritur golin u desh një harkim i Trent Alexander-Arnold për Roberto Firminon që shënoi për 1-0 në minutën e 31.
Pjesa e parë u mbyll me këtë rezultat dhe me Leicesterin që nuk mund te bënte asgjë.
Në pjesën e dytë në momentin që Dhelprat u hapën pak, The Reds nuk i ndalën golat.
Në minutën e 72-të, Liverpooli mori një penallti, ku në gol e ktheu James Milner për 2-0.
Pas dy minutash dyshja Alexander-Arnold dhe Firmino, sërish në aksion me brazilianin që shënon një gol shumë të bukur për 3-0.
Në fund ishte radha e Alexander-Arnoldi cili mori një pasim nga Mane dhe e ktheu në gol në minutën 78-të për 4-0.
Pas këtij goli ra edhe loja, pasi Liverpooli e ruajti epërsinë.
Me këtë fitore Liverpooli arrin në kuotën e 52 pikëve, pas 18 ndeshjeve, duke e lënë pas Leiceserin me 39 pikë, 13 më pak. /Telegrafi/
