Interi e ka lënë jashtë skuadrës për ndeshjet para sezonale, njërin prej transferimeve më të shtrenjta të klubit, Gabriel Barbosan.
Nerazzurrët janë duke u bërë gati për një fazë përgatitore dhe e kanë publikuar listën prej 25 lojtarëve.
Roberto Gagliardini është lënë pushim shkaku që luajti në Kampionatin Evropian për 21 vjeç.
Jashtë listës është edhe Gabriel Barbosa i njohur si Gabigol, që u ble për 30 milionë euro.
Në skuadër janë edhe emra si Andrea Ranocchia, Davide Santon dhe Jonathan Biabiany, që pritet të huazohen ose shiten gjatë këtij afati kalimtar.
Gazzetta dello Sport beson se Gabigolit i janë dhënë edhe pesë ditë të tjera që të gjejë skuadër për huazim.
Inter: Berni, Handanovic, Padelli, Pissardo, Miranda, Murillo, Santon, Ansaldi, Ranocchia, Valietti, Vanheusden, Sala, Kondogbia, Emmers, Joao Mario, Belloni, Zaniolo, Danso, Pinamonti, Rivas, Biabiany, Longo, Baldini, Odgaard, Rover