Partia opozitare shqiptare Aleanca për Shqiptarët, përmes një kumtese për media ka reaguar në lidhje me gjendjen e ujit të pijshëm në Komunën e Tearcës.
Nga ASH thonë se derisa i tërë opinion publik është i kthyer nga krimi dhe korrupsioni të niveleve të larta shtetërore, banorët e komunës së Tearcës përballen me mungesën elementare të jetesës.
“Kjo komunë që sipas statistikave të vitit 2002 numëron mbi 20 000 banorë akoma nuk ka kanalizim dhe ujësjellës. Me 13 fshtatrat që gravitojnë në këtë komunë fuksionohet me ‘jama’ septike ndërsa në asnjërin prej tyre nuk është e zgjedhur çështja e ujësjellësit. Si pasojë kësaj gjendjeje, ka një numër të konsiderueshëm të prekurve nga infeksionet virale”.
“Qytetarët e Tearcës kanë nevojë për ndihmë urgjente prandaj së bashku me qytetarët e kësaj komune apelojmë deri te të gjithë faktorët relevantë, si Ministria e Ambientit, organet e pushtetit lokal, etj. Të merren seriozisht me këtë çështje sepse pasojat nga gjendja e krijuar mund të jenë të paparashikueshme”, thonë nga ASH./Telegrafi/