Ka përfunduar takimi mes liderit të LSDM-së, Zoran Zaev, dhe kreut të Lëvizjes Besa, Bilall Kasami, ku është biseduar për formimin e Qeverisë së re të vendit, përcjell Telegrafi Maqedoni.
Në lidhje me takimin ka folur Faton Fazliu, shefi i kabinetit të kryetarit të Lëvizjes Besa. Ai tha se vullneti i të dyja palëve është që të jemi në një qeveri reformatore, por kjo varet nga bisedimet që zhvillohen.
“Edhe sot vazhduam takimet mes Besës dhe LSDM-së. Takimi ishte në nivel kryetarësh dhe të grupeve të punës. U bisedua në përgjithësi për parimet dhe do të vazhdojmë të komunikojmë. Besoj se opinioni i din parimet e Lëvizjes Besa dhe e kemi bërë të njohur opinionin për pikat tona”, tha Faton Fazliu./Telegrafi/