Marco Asensio do të luajë në El Clasico të shtunën kundër Barcelona në Camp Nou, por sulmuesi i Real Madrid mund të kishte përfunduar në ekipin kundërshtar.
Siç e ka pranuar në një intervistë të fundit, kishte interes nga Barcelona kur ai po kalonte formë t ëmirë te Real Mallorca.
“Unë mund të kisha luajtur për Barcelonën, por interesi i pabesueshëm që erdhi nga Real Madridi dhe besimi që tregoi që në fillim ishte ajo që më theu mendjen”.
“Është e pamundur t’i thuash “jo” Real Madridit!”, ka thënë ai në një intervistë me DjMariio për PostUtd.
Edhe pasi u bashkua me Los Blancos, djaloshi nga Mallorca ka pasur oferta të shumta për t’u larguar, por që i ka refuzuar.
“Ka shumë klube që janë interesuar, por dëshira ime është të qëndroj në Real Madrid dhe të kem sukses këtu”, deklaroi ai.
Ka qenë një vit i vështirë për Asensio pasi kishte lënduar gjurin, por tani ndjehet i fortë dhe gati. /Telegrafi/