MTV EMA nuk mund të mburrej me një formacion më emocionues artistësh këtë vit përfshirë këtu edhe grupin Gorillaz.
Ata do të bashkohen me Ava Max, Bebe Rexha, David Guetta, Lewis Capaldi dhe Muse, të cilët janë planifikuar të dalin drejtpërdrejt në skenë për shfaqjen e çmimeve të këtij viti më 13 nëntor.
Capaldi gjithashtu do të japë performancën e tij të parë në këtë ceremoni.
Ndërsa Max, Rexha, Guetta, Gorillaz dhe Muse po kthehen si interpretues sërish, pasi kanë fituar pjesën e tyre të nominimeve këtë vit.
Së bashku për hitin e tyre “I’m Good (Blue)”, Rexha dhe Guetta janë kundër Max dhe DJ holandez Tiesto “The Motto” për ‘Bashkëpunimin më të Mirë’.
Ndërkohë, Gorillaz kanë fituar një nominim për ‘Alternativën më të Mirë’, dhe Muse ka siguruar një në ‘Best Rock’.
Siç u njoftua në fillim të kësaj jave, emisioni do të drejtohet nga Rita Ora dhe Taika Waititi.
Harry Styles kryeson fushën e nominimeve të EMAs të këtij viti duke marrë shtatë nominime, përfshirë ‘Artistin më të Mirë’, ‘Këngën më të Mirë’ dhe ‘Videon më të Mirë’.
Taylor Swift pason me gjashtë nominime, dhe ajo po ashtu fitoi një për ‘Videon më të Mirë’.
Ndërkohë, Nicki Minaj dhe Rosalia fituan secila nga pesë nominime, ku të dyja konkurrojnë për ‘Këngën më të Mirë’ dhe ‘Artisten më të Mirë’.
Rexha më parë ishte nikoqie e EMAs në 2016 në Roterdam, Holandë.
Ceremonia e sivjetme do të transmetohet drejtpërdrejt në MTV në më shumë se 170 vende më 13 nëntor nga PSD Bank Dome në Dusseldorf të Gjermanisë.
Do të jetë e disponueshme për t’u transmetuar në Paramount+ dhe Pluto TV globalisht duke filluar nga 14 nëntori.
Ngjarja e 2022-ës do të shënojë herën e gjashtë që Gjermania organizon çmimet. /Telegrafi/