Artan Hajrizi ka konfirmuar se personi që u vra sot nga autoritetet serbe, në një fabrikë të braktisur në Loznicë është vëllai i tij, Faton Hajrizi.
Vëllai i të ndjerit gjatë një bisede me RTV21 ka akuzuar autoritetet e Kosovës për mënyrën se si u trajtua si rast.
Zëvendëskryeministri i Serbisë, njëherësh ministër i Punëve të Brendshme, Ivica Daçiq, ka thënë të premten se është vrarë personi që në orët e para të së enjtes vrau një polic në Serbi.
Faton Hajrizi dyshohej për vrasjen e policit Nikola Krsmanoviq dhe plagosjen e policit Vjekoslav Iliq në Loznicë të Serbisë.
