Kandidati për deputetë nga Lëvizja Vetëvendosje Artan Abrashi, ka treguar fushat ku ai do të kontribuojë nëse bëhet deputetë.
Abrashi, në “Dossier D” në RTV Dukagjini ka thënë se ka qenë nder i madh që ai të jetë në listën e Vetëvendosjes krah figurave të mëdha që ka ky subjekt politik.
Ai thotë se si pjesë e nivelit lokal që është ka një avantazh pasi ka qenë më afër komunitetit, tha ai, përcjell Telegrafi.
Kandidati për deputetë nga Lëvizja Vetëvendosje thotë se Kosova këto 20 vite ka parë qeverisjet e LDK-së, PDK-së, AAK-së dhe partive tjera të vogla, por sipas tij ka ardhur koha që të shihet edhe qeverisja e Vetëvendosjes në nivelin qendror.
Duke folur për qeverisjen në Prizren, Abrashi thotë se në këtë komunë Vetëvendosje ka përmbushur më së shumti premtime nga komunat tjera të mëdha.
Kandidati për deputetë nga Lëvizja Vetëvendosje thotë se Autostrada e Dukagjinit është një projekt korruptiv shumë i madh. Sipas tij është më mirë të zgjerohen rrugët aktuale se të shpenzohen 1.2 miliardë euro./Telegrafi/