Analisti politik Petar Arsovski, në një deklaratë për “Makfax” me rastin e deklaratës së kryeministrit për pajtimin e mundshëm ndërmjet deputetëve nga ngjarjet e 27 prillit, thotë se mesazhet që kryeministri Zaev iu ka dërguar nga foltorja e Kuvendit ndikojnë tek gjyqtarët në lidhje me diskursin e përgjithshëm politik, përcjell Telegrafi Maqedoni.
“Nuk mund t’ju them përgjigjen e saktë nëse kryeministri ka ndikuar drejtpërdrejt në gjyqësor, sepse ato vendime të lirimin e të arrestuarve janë përgatitur më herët, nga deklarata e tij që të mund të ketë ndikim. Por, sigurisht, mesazhet e pajtimit i prekin gjyqtarët në aspektin e diskursit të përgjithshëm politik”, tha Arsovski.
Deputetët për të cilët gjykata vendosi dje për t’u liruar nga arrestimi shtëpiak kanë paraqitur një kërkesë për të njëjtën gjë një vit më herët. I pyetur se pse pikërisht tani përpara votimit në Kuvend për ndryshimet kushtetuese, Arsovski tha se seancat ishin caktuar disa kohë më parë dhe se ai nuk e dinte se kur këto vendime ishin shkruar.
Sipas tij, në kuptimin e ndjekjes së drejtësisë, nëse ka ndonjë pajtim, është e rëndësishme të mos pengohet lufta kundër krimit dhe drejtësisë./Telegrafi/
