Menaxheri i Arsenalit, Mikel Arteta tha se klubi ka një “plan për të ardhmen” me diskutime mbi kontratat e reja për lojtarët kryesorë që po diskutohen.
Mbrojtësi William Saliba, anësori Bukayo Saka dhe sulmuesi Gabriel Martinelli janë të gjithë 21 vjeç dhe kanë të mbetura edhe nga dy vite në kontratat e tyre aktuale.
Ata janë paraqitur rregullisht për Arsenalin këtë sezon dhe Arteta tha se klubi do të kërkojë të “shpërblejë” lojtarët kryesorë.
“Duhet të planifikojmë për të ardhmen dhe të gjithë jemi duke punuar për të”, ka thënë fillimisht Arteta.
“Ne do të përpiqemi t’i bëjmë gjërat në mënyrën e duhur, duke qenë të drejtë dhe duke u përpjekur të planifikojmë mënyrën më të mirë të mundshme dhe të shpërblejmë lojtarët që për mendimin tonë kanë një të ardhme të madhe për klubin”.
“Për momentin nuk kemi diçka për të prezantuar, do ta bëjmë këtë kur të kemi”..
“Do të përpiqemi të sigurohemi që klubi të jetë gjithmonë i mbrojtur, që klubi të jetë gjithmonë në një pozicion të mirë për të ecur përpara dhe lojtarët të jenë të lumtur që janë në klub”, përfundoi trajneri i Arsenalit. /Telegrafi/