Julian Weigl po kalon ditët e tij të fundit te Borussia e Dortmundit.
Mesfushori gjerman nuk është i kënaqur me hapësirat këtë edicion, ku pas rikthimit nga lëndimi është paraqitur në vetëm tri ndeshje në Bundesliga.
23-vjeçari ka kërkuar nga klubi të largohet dhe nuk ka pranuar vazhdimin e kontratës.
Kontrata aktuale e gjermanit me Dortmundin skadon në verën e vitit 2021.
E skuadra më e interesuar po del të jetë Arsenali, që po mendon transferimin e tij në janar.
Sipas asaj që kanë raportuar mediat angleze, Topçinjtë janë gati të shpenzojnë rreth 50 milionë euro për Weigl.
Por për ta transferuar reprezentuesin gjerman, Arsenali duhet ta mposhtë konkurrencën e PSG-së.
Trajneri i parisienëve, Thomas Tuchel e pëlqen shumë lojën e Weigl dhe po kërkon të ribashkohet me të në kryeqytetin francez. /Telegrafi/