Arsenali po bëhet gati për lëvizjen e tyre të radhës në afatin kalimtar, teksa janë shumë pranë nënshkrimit me Mikel Merinon.
‘Topçinjtë’ tashmë kanë siguruar blerjen e përhershme të David Rayas pas paraqitjeve të tij të mira në huazim sezonin e kaluar nga Brentfordi, ndërsa transferimi i Riccardo Calafiorit u konfirmua javën e kaluar.
Vëmendja menjëherë është përqendruar tek mesfusha e cila për momentin është e mbështetur vetëm tek Declan Rice.
Mikel Arteta ka identifikuar Mikel Merinon si kandidatin ideal për të qenë partner i Rice, dhe një marrëveshje prej 25 milionë eurosh është afër që të arrihet me Real Sociedadin.
Sapo të përfundojë transferimi i reprezentuesit spanjoll, Arsenali do të fokusohet që ta kompletojë pjesën e fundit të enigmës.
Ata kanë qenë tash e sa ditë në bisedime me Marseille për shitjen e Nketiah, por që deri më tani palët nuk kanë arritur marrëveshje.
Në momentin që Nketiah largohet, Arsenali më pas do të fokusohet që ta transferojë një sulmues, sipas Evening Standard.
Identiteti i sulmuesit që Arsenali do ta ketë objektiv nuk është bërë zyrtarisht i ditur, por besohet se do të jetë njëri prej Victor Osimhen ose Viktor Gyokeres, duke marr parasysh interesimin që kishin për ta më herët.
Raportimet javën e kaluar pretenduan se Arsenali po bën gati 60 milionë euro për Gyokeres, por Sporting Lisbona po kërkon që klubet e interesuara ta paguajnë klauzolën e tij të lirimit (80 milionë euro)./Telegrafi/