Arsenali e nis me fitore komode sezonin e ri në Ligën Premier

Arsenali e ka filluar me fitore 2-0 sezonin 2024/25 në Ligën Premier, duke mposhtur Wolverhampton Wanderers.

Topçinjtë e nisën furishëm takimin, duke krijuar raste të mira për gol, por që një i tillë erdhi vetëm në minutën e 25-të.

Bukayo Saka bëri disa lëvizje fantastike, duke asistuar te Kai Havertz, me gjermanin që nuk kishte probleme të shënonte.

Me këtë gol edhe përfundoi pjesa e parë, derisa në të dytën u shënua edhe një tjetër.

Dyshja e Arsenalit që bashkëpunuan tek goli i parë i ndryshuan rolet në minutën e 74-të.

Havertz bëri një pasim të thjeshtë te anglezi, me këtë të fundit që lëshoi një goditje të fuqishme në krahun e djahtë të portierit mysafir, për ta mposhtur më finesë.

Në xhiron e dytë, Arsenali do të ketë punë me Aston Villan, një kundërshtar aspak i lehtë. /Telegrafi/