Arsenali dhe Leicester City raportohet se kanë shprehur interesim në talentin e Milanit, Manuel Locatelli.
18-vjeçari ka arritur të futet në ekipin e parë të Milanit sivjet dhe mësohet se performancat e tij në Serie A kanë zgjuar interesim të disa skuadrave evropiane.
Sipas “Calciomercato”, Arsenali dhe Leicesteri kanë vëzhguar mesfushorin sivjet dhe dyshja e Premier Ligës ka nisur “luftën” për transferimin e tij gjatë verës.
I njëjti raportim thekson se Locatelli dëshiron të luajë në një klub që garon në Ligën e Kampionëve.