William Carvalho është futbollisti që i ka futur në një garë dy skuadrat e njohura evropiane, Arsenal dhe Paris Saint Germain.
Mesfushori qendror i Sporting Lisbonës, ka pasur paraqitje të mira këtë edicion në elitën e futbollit portugez.
Por 23-vjeçari ka kërkuar një aventurë të re nga viti i ardhshëm dhe pritet që të largohet nga skuadra amë.
Mediat në Angli kanë raportuar se ai është vënë në shënjestrën e londinezve të Arsenal.
Por për t’i siguruar shërbimet e tij Arsenal duhet ta mposhtë konkurrencën e PSG-së, ndërsa Sporting Lisbona kërkon 25 milionë euro për të. /Telegrafi/