Arsenal ka fituar me rezultat 1-0 ndaj Manchester Cityt në kryendeshjen e javës së tetë në Ligën Premier.
Mysafirët patën mundësinë për të kaluar në avantazh në minutën e gjashtë të takimit, por goditja e Josko Gvardiol u largua në vijën e portës nga Declan Rice.
Një tjetër rast të artë shënimi humbi edhe Nathan Ake, i cili ballë për ballë me portierin gaboi duke goditur topin mbi portë.
Pa raste tjera shënimi dhe pa gola u mbyll pjesa e parë e takimit.
Honours even at the break ⚖️ pic.twitter.com/KiG4gcHHBP
— Arsenal (@Arsenal) October 8, 2023
Në pjesën e dytë, të dy trajnerët Mikel Arteta dhe Pep Guardiola, përmes zëvendësimeve u munduan të ndryshonin rrjedhën e ndeshjes e cila deri në momentin e golit ishte mjaft e zbehtë dhe larg pritshmërive të tifozëve anembanë botës.
Goli i vetëm në këtë ndeshje dhe ai i tri pikëve për Arsenalin, u shënua në minutën e 86-të nga Gabriel Martinelli i cili u inkuadrua në pjesën e dytë. Ky gol bëri që “Emirates” të shpërthente në festë.
🚨🚨| GOAL: MARTINELLI SCORES IN THE 86TH MINUTE.
Arsenal 1-0 Manchester City
— CentreGoals. (@centregoals) October 8, 2023
Deri në fund të ndeshjes Arsenal e menaxhoi mirë epërsinë e krijuar dhe mori fitoren e parë ndaj Manchester Cityt në Ligën Premier pas plotë tetë vitesh.
Me këtë fitore Arsenali rrëmben pozitën e dytë në tabelë me 20 pikë, teksa City zbret në pozitën e tretë me 18 sosh./Telegrafi/